JR NTR 30 TH MOVIE WITH TOLLYWOOD BEST DIRECTOR KORATALA SIVA

యంగ్ టైగర్ ఎన్టీఆర్ కథానాయకుడిగా నటించనున్న తన 30వ చిత్రానికి కొరటాల శివ దర్శకుడిగా లాక్ అయిన సంగతి తెలిసిందే. ఎన్టీఆర్ ఆర్స్ట్-యువసుధ ఆర్స్ట్ పై కళ్యాణ్ రామ్- సుధాకర్ మిక్కిలినేని సంయుక్తంగా నిర్మించనున్నారు. ఈ చిత్రాన్ని భారీ కాన్సాస్ పై పాన్ ఇండియా రేంజ్ లోనే తెరకెక్కిస్తున్నట్లు సమాచారం. అయితే ఈ సినిమా ఎప్పుడు ప్రారంభం అవుతుంది? ఎప్పుడు రిలీజ్ అవుతుంది వంటి సమాచారం లోపించింది. ఈ నేపథ్యంలో సినిమాకు సంబంధించిన ఆసక్తికర అప్ డేట్ అందింది. అన్ని అనుకున్నట్లు గనుక జరిగితే అక్టోబర్ 30న చిత్రాన్ని ప్రారంభించాలని సన్నాహాలు చేస్తున్నారుట.

అటుపై రెగ్యులర్ షూటింగ్ ని నవంబర్ రెండవ వారం నుంచి ప్రారంభించాలని మేకర్స్ ప్లాన్ చేస్తున్నట్లు సమాచారం. అలాగే ఇందులో హీరోయిన్ గా బాలీవుడ్ నటి అలియాభట్ ని తీసుకోవాలని సంప్రదింపులు జరుపుతున్నారుట. అలియా `ఆర్ ఆర్ ఆర్` చిత్రంతో టాలీవుడ్ లో ఎంట్రీ ఇస్తోన్న సంగతి తెలిసిందే మెగాపవర్ స్టార్ రామ్ చరణ్ సరసన నటిస్తోంది. `ఆర్ ఆర్ ఆర్` లో తారక్ కూడా నటిస్తుండటంతో అలియా ఎంపికపై ఆసక్తి చోటుచేసుకుంది. చరణ్ తర్వాత అమ్మడు రెండవ సినిమాగా తారక్ తో రొమాన్స్ చేయడం క్యూరియాసిటీ రెట్టింపు చేస్తుంది. ఇక ఈ కాంబోలో చక్కని సందేశాత్మక చిత్రం తెరకెక్కనుందని..పక్కా కొరటాల మార్క్ సినిమా అని వినిపిస్తోంది.